Ah Marie, dei Locha!

Des beschreibt die Stimmung beim Lego Roboter Wettbewerb ziemli guat :-) Wir sitzen grad umadum, zwischen dem zweiten und dritten Robot Game ham ma a Stund lang Zeit und ham voi die Gaudi!

Bei da Präsentation is uns echt guat ganga. Roboter Design Besprechung woa a ganz guat, oba am mit Obstand olla besten ganga is uns bei da Teampräsentation:

Am Nachmittag is dann richtig zur Sach ganga: Beim ersten Robot Game is uns eigentlich ganz guat ganga, wir ham nur a paar Strafpunkte kriagt, wei des Aquarium ned ganz grod gstanden is; dafür ham ma Pluspunkte für unser Ehrlichkeit kriagt :-)

Beim zweiten Robotgame ham ma sogar no fünf Punkte mehr kriagt, weil die Melkmaschin diesmoi supa funktioniert hot. Dafür hot da Roboter nimma in de Base zruckgfunden.

Und jetzt woart ma eben grod auf de dritte Runde vom Robot Game… und redn übern Tanzkurs und lernan da Clara die Eröffnung fürn Ball :-) Wei de krank woa bei da Prob…

So, jetzt woa des dritte Robot Game; wir san volles Risiko ganga – naja, zumindest woas ned schlechter wia de zweite Rundn :-) Bessa oba leida a ned.

Jetzt wart ma no auf de Siegerehrung. Moi schaun… Noch am langen Spaziergang zum Frischlufttanken und wieda-munta-wern gehts dann zur Siegerehrung. Und wos ma letzts Joa ned gschafft ham: Achter Gesamtplatz! Von 21 Teams.

Achter Gesamtplatz!

Epilog: Jetzt sitz ma im Zug, san überdraht, lustig und hundsmiad: Geh Marie, dein Schnoarcha :-)